منتديات ألامام موسى الكاظم
حبيبي الزائر الغالي العزيز
اهلا وسهلا بيك نفرشلك العينين والرمش خيمة
تبين انك غير مسجل في سجلاتنا....لاتدوخ رجاءا التسجيل السريع لايكلفك سوى دقيقة واحدة
استمتع معنا وشاهد الاقسام الخفية الممتعة....اقرا ما تشاء واكتب ما تشاء...فالمنتدى منكم واليكم..ولكم الشكر والتقدير


منتديات ألامام موسى الكاظم
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 دارمياااااات هواية فوتوا بسرعة لابعدين يخلصون ...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
المدير العام
المدير العام
avatar

عدد المساهمات : 187
تاريخ التسجيل : 21/04/2013
العمر : 27
الموقع : brav.lolbb.com

مُساهمةموضوع: دارمياااااات هواية فوتوا بسرعة لابعدين يخلصون ...   الخميس مايو 02, 2013 8:00 pm





دارمياااااات هواية فوتوا بسرعة لابعدين يخلصون ...ههع


السلام عليكم.....

شلونكم شباب وبنات (لمية ولميات) (مميات احسن هههههه)..

اليوم جايبلكم مجموعة كبيرة من الدارميات..

ما اطولها عليكم مثل كل مرة

هاكم الدارميات وادعولي

هاا نسيت اكللكم ردوووووو ترى انشلع كلبي بالموضوع
ـــــــــــــــــــــــ
تسأل عيك الروح ليش انت غايب .. الكلب من فركاك شاف المصايب
كون الكلب بيه رام مانمت مجروح. حتى أفتح أبلوتوث وارسلك الروح

موهذا بيت فلان وفلانة بتكم ابني طريح فراش والسبب بنتكم

مو ابنج طريح فراش بتنا الطريحة تتواعد ويه الموت ومامستريحة

غربة ودمع همال فايض بأدينة .. ومشتاكة للأحباب روحي الحنينة

من ابجي ابجي وياي يا روحي وانعي .. ولو حزني ما بجاج من يمي اطلعي

صايم اظل يهواي ما دامك بعيد . يوم الاشوفك بيه ذاك الوكت عيد

لا صكر لا غزلان شايل هلعيون ... من شفتك اختليت ، صرت آنه مجنون

مل مني حتى الليل والكمر شاهد ... بس بيك افكر دوم للفجر كاعد

فز وأنكسرنصين كلبي على طاريك جم نص تضن يصير لمن يلاكيك

من كثر حزني اعليك دمعي اصبح اسود حفر سواجي اثنين من نزل علخد

تدري شوكت انساك وبقلبي تهون من تسمع اني هناك بالغربه مدفون

وبشارع العشرين لاكوني عشرة واحد حبيب الروح والتسعةكشرة

بيضه وتعبت عليك لمن صرت طيرومن طلعن جناحات تومي انت للغير

هم الليالي اتعود ونكعد ببغداد ونتلاكة وي الاحباب ونشكي من البعاد

ما كلت اني اهواك بين علية فاضحني دمع العين واني شبدية

افديها هاي الروح لو تطلب انته ... اشر ولو بالعين بس كلي يمته

كون انكلب فنجان بيد الكهوجي واوصل لحلك هواي واشكيله وابجي

تتعنه للطيبات وانت من اهلهن وانت التداوي اجروح كلبي وتشلهن

للدوم اظل وياك يل طيبك يفوح ولخوتك ماعوف لو تطلع الروح

غيره وكرم واخلاص كلهن صفاتك واتعب شوصف بيك يالطيبه ذاتك
متمددوتعبان والجسد خاوي العلة بالدلال من يومة داوي

يالرايح لبغداد مر بالرصافة وكلهه الكرخ زعلان والفرح عافه

قلبي ارد ادزه يروح ينطر عزازه والدم اريد انخاه ينطيه اجازه

دله والف فنجان للخوه صبيت نكرو ذاك الطيب بس انته ضليت

من المدرسه للبيت وانته على بالي وكل صفحه يلمحبوب وجهك يلالي

يهتز يريدايطيح كلبي على فركاك,,, لا يرضى جرح يطيب لا يرضى ينساك

كل ساعه اشوف هواي وتمنه شوفه دم هو بالشريان وشلون اعوفه

ليل وسهر واشواق طبكن سوية وسفة التعبت وياه ايروح من ادية

في وكت كل الناس هدني واهدك والنجف والانبار شدني واشدك

شكتب وشرد عليك وانته الكتابه...بعدك تظل الروح بس الكأبه

المشترك وياي بالدم والانفاس ... قررت ماانساك لوشيب الراس

ليش انت بيه تعيل يل ماعلت بيك...وبكثر ماجويت كلبي اريد جويك

اعيوني تبجي عليك يلبيهى مطبوع...ون الكلب مشتاك يلبين الضلوع...

امر الله هذا الصار مامنه مردود بطل ونين اليوم عيب المضى يعود

بكرابه ضم السيف وانطيني ايدك لا تختلف وياي دمي بوريدك

عافاني حبيب الروح وعافاني وحدي خله القلب مجروح وايدي على خدي

ما اظن عليج يهون تنسيني للدوم ...تدرين بيه اهواج وكليبي ملجوم

حبك نزف بالروح ماينكطع دوم خلاني بس عظام ومحملة هدوم

بهمي ماهميت كل همي همك .. كل مااضيع الروح الكاهه يمك..

حبك عشك مجنون بعثر كياني كد ما افكر بيك صرت انته اني

تسأل عليك الروح يلتسوه كلشي تسوه العدل والمات والتوه يمشي

اتركني اترجاك خليني اعوفك بلجي اكدرآنه انساك منما اشوفك

تحجي صدك يهواي واتكلي اعوفك صدكني تعمه العين من ما تشوفك

احلى صباح اليوم هذا الصبح صار صبحني بي محبوب بعيونه الكبار

انت الكسرت الباب وبقلبي طبيت ساكن تظل للدوم صرت انت ابو البيت

حط حرس حط اسلاح حط قوه يمك ازحف زحوف بليل ووصل وشمك

لاتنخة هذا وذاك انة ارد اوصيك....شو محترك بالماي جابيش اطفيك

كون انه اصير اعيون وابجي اعله خدك ... حتى انت تعرف زين ياهو اليودك

انت اول الحلوين متصدر الكل...حته المروره البيك هم حلوه تكتل

اتمنه لو رسام كل نضره لوحه ... وبعينك انسه الروح من ينسه روحه

بلحلم جنك جيت من ذاك الغياب ... كبل ايدي شفت الروح فتحتلك الباب

روحي او تريد اتروح جاشلي بيهة وينك يملك الموت تقبض عليهة

أرد اسأل العراف واهل القوافـي ليش الحجاب إيلوق للوجه صافي

ياوكتي بسك عاد كافي ولك بس شو من صرت لليوم بس اسود البس

كالوحبيب الروح مل منك وراح ... كلتلهم الله وياه بس كونه مرتاح

سالم يبعد الروح صدكني أودك خايف أبوسك حيل وينجرح خدك

ترفظني وانه اهواك ورغب وحاجيك ومستعد بين احشاي وضلوعي اخليك

الخوة مثل الطيب بس اشبعدهة___للبسويد الروح وتكلي ودهة

ما مر عليك اهواي يا درب انشدك ادري انته شاهد حك والصدك عندك

كاكه ارد اصير اليوم ورد احجي كردي خاف احجي بلمكلوب وتسمعه هندي

اثنعش ساعه الليل ياحبي واثنين يسمر وحك عيناك مانامت العين

كل ما يمر طرواك ترجف اديه حبك يا بعد الروح بين عليه

يالعلمتني عليك همت الله بيه صحره انه وترجاك تمطر عليه

هاك اخذ هاي العين انطيه لهواي شلي بنظره انوب ماشوفه وياي

اتعراك وي النوم بلكي اغفة وانساك000ثاريهة صورة وصوت بحلامي الكاك

حبك حركلي احشاي فدوة ارحم اشبيك لو عدنة ريس حوك الا اشتكي عليك

لا ارضى عني تكوم لاارضى تكد لاارضى جاري تصير لاارضى تبعد

انه اعلى فكدك دوم دايخ وافكر *** واتذكرك كل يوم هم انته تذكر

ازغير واخاف اعليك من اليحسدون اخافن تطب طبات او ماتطلع اشلون

ياترف كلي اشبيك تخزرنة وتروح لتعاين اعلة الشيب عاين علة الروح

عظم وجلد ضليت من ماشفيتك شيبقه وشيضل بالروح لو فاركيتك

راسلني يلمحبوب لاتضل ساكت حبك سهم مضروب بالكلب نابت

ظلمة ودليلك فوك واتذكرتكم مدري شجاهة الروح شو حنتلكم

لعنة اعل ابو التاريخ لابو الدراسة تعب حبيب الروح دوخلي راسة

نخوه واصاله وطيب طبع العراقي والاسم ضل عنوان للغيره باقي

هم شفت هم سمعيت بالشفه شامه**** نتباوس انا ويا مثل الحمامه

قلبي انا مجروح ياخوتي فزعه ... ليش اليطيح بظيج ينسونه ربعه

حيل أمشي عالمكسور حيل امشي عالكاع ... وبالك تذل كدام شماتك بساع

اشلونك يبعد الروح وناسي كلهه .. روحي شتهت ملكاك حاير شكلهه

حبله وتريد تجيب دنيانه شتجيب ... لو نذل لو بذات لو ناكر الطيب

لو ردت عني تروح خليلي صبرين ... واحد يصبر الروح والثاني للعين

محتاجه عيني تشوف شخصك يمرها... تسئالني هيه عليك حاير شكلها

اتباها من اتفوت واصرخ بأسمك .. مايمشي فوك الكاع عالكلب جدمك

جتفت روحي جتاف حسبالي تنساك .. من روحي طلعت روح وتكلك اهواك

دايخ اجيت بعيد ضايع دربكم ... اعمه وبلايه عيون دلاني حبكم
ألمن بعد أشكيه همي ومصابي ... وألي أشتكيله صار هو عذابي

ليسمعني اغني ايكول متهني كلبة ... واني بعذاب وضيم ويا الاحبة

غيرك فلا حبيت خو تدري بيه.....انته العراق الخير وارضك ابيه
__________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://brav.lolbb.com
 
دارمياااااات هواية فوتوا بسرعة لابعدين يخلصون ...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ألامام موسى الكاظم :: ۝۩۝ المنتديات الادبية ۝۩۝ :: :: منتدى الشعر العراقي الاصيل ::-
انتقل الى: